रश्मी थापा
विराटनगर । जाडो मौसमको सुरुवातसँगै मानिसहरुमा छालाका विभिन्न समस्याहरु देखा पर्न थाल्छ । मौसम परिवर्तनको प्रभाव सबैभन्दा पहिले छालामा देखिन्छ । हातखुट्टा फुट्ने, छाला उप्किने, सुख्खा हुने जस्ता समस्याले मानिस हैरान हुन्छन् । शरीरको संवेदनशील भागहरु अनुहार, कान, घाँटी, हात, पैतला आदि कपडाले प्रायः छोपिदैनन् त्यसैले यी भागहरु सुक्खा हुने गर्छन् ।
जाडोको समयमा चिसो हावा चल्ने र वातावरण पनि चिसो हुन्छ । जाडोमा छाला सुख्खा हुने, चिलाउने, एलर्जी, ओठ फुट्ने, हात खुट्टा फुस्रो हुने, कपालमा चाया पर्ने, अनुहारमा विभिन्न किसिमका समस्या देखिने लगायतका समस्या देखिने गर्छ । त्यसैले जाडो महिनामा अन्य समयको तुलनामा छालाको हेरचाह गर्नु महत्वपूर्ण हुन्छ ।
जाडो मौसममा देखिने छालाका समस्याहरूबाट बच्न विभिन्न उपाय अपनाउन सकिन्छ । जाडो मौसममा छालालाई हुन सक्ने हानीबाट जोगाउन र विशेष हेरचाह गर्न स्किन एन्ड ब्युटी थेरापिस्ट आकाश अग्रवालले दश सुझाव दिएका छन्ः
१. छालालाई दैनिक मोइस्चराइज गर्नुहोस्
चिसोले छालाको प्राकृतिक ओसिलोपन हटाउन सक्छ त्यसैले बिहान र साँझ आफ्नो छालाको विशेष हेरचाह गर्नुपर्छ । यदि तपाईंसँग धेरै समय छैन भने मोइस्चराइजिंग मेकअप रिमूभर र मोइस्राइजर प्रयोग गर्नुहोस् जसले तपाईँको छालाको लागि काम गर्नेछ ।
२) तातो पानीले नुहाउन कम गर्नुहोस्
न्यानोपनको मज्जा लिँदै नुहाउन आन्नददायी हुन्छ तर तातो पानीले तपाईंको छालाको ओसिलोपन हटाउन सक्छ । नुहाउने कार्य दस मिनेटभित्र सक्ने प्रयास गर्नुहोस र पानीलाई मन्ध न्यानो राख्नुहोस् ।
३) ओठ एक्सफोलिएट गर्नुहोस्
फुटेको ओठको लागि लिप बाम उपयोगी हुन्छ तर कहिलेकाहीँ यसले काम नगर्न सक्छ । त्यसैले ओठमा भएका डेड सेल हटाउन सफा टुथब्रसले पाउट एक्सफोलिएट गर्नुहोस् ।
४) अनुहारमा राम्रो तेल प्रयोग गर्नुहोस्
गर्मीमा तपाईँ तेलमा आधारित उत्पादनहरूबाट बच्न चाहनुहुन्छ तर जाडोमा यसले तपाईंको छालालाई धेरै राम्रो बनाउँछ । नीरसपन हटाउन र छालाको माथिल्लो तहहरू भर्नको लागि हप्तामा तीन पटक चमक बढाउने तेल अनुहारमा प्रयोग गर्नुहोस् ।
५) खानामा भिटामिनको मात्रा वृद्धि गर्नुहोस्
चम्किलो छालाको लागि आफ्नो खानामा भिटामिन ‘ए’ र ‘सी’को मात्रामा वृद्धि गर्नुहोस् । आँप, आलु र ब्रोकाउलीमा छाला स्वस्थ राख्न मद्दत गर्ने पौष्टिक तत्व हुन्छन् त्यसैले खानामा यसको प्रयोगमा गर्नु उचित हुन्छ ।
६) ओसिलो छालालाई मोइस्चराइज गर्नुहोस्
नुहाउने बित्तिकै आफ्नो छाला सुख्खा नहोस् भन्नका लागि मोस्चराइजर लगाउनुहोस् । आफ्नो छालामा आद्रता कम हुन नदिन जाडो मौसममा आफ्नो कोठाको ढोका बन्द राख्न उत्तम हुन्छ ।
७) ह्यान्ड क्रिमकाे नियमित प्रयोग गर्नुहोस्
तपाईँको हातका छाला सुख्खा हुन्छन् भने दैनिक ह्यान्ड क्रिम प्रयोग गर्नुहोस् । सिलिकन आधारित क्रिमको प्रयोग फाइदाजनक हुन्छ ।
८) कपडा खरिदमा ध्यान दिनुहोस्
तपाईंको मनपर्ने आरामदायी जम्पर ऊन वा सिंथेटिक फाइबरबाट बनेको हुन सक्छ तर यसले संवेदनशील छालालाई सुख्खा पार्न सक्छ । त्यसैले जाडोका कपडा खरिद गर्दा विशेष ध्यान दिनुहोस् ।
९) व्यायाम गर्नुहोस्
जाडोमा कसरत गर्न अल्छी लाग्न सक्छ । तर जाडोमा छालाको लागि कसरत उपयोगी हुन्छ । नियमित व्यायाम गर्नाले रक्तसञ्चारमा सुधार हुन्छ जसले छालालाई थप रंग दिन्छ ।
१०) आफ्नो आँखाको हेरचाह गर्नुहोस्
तपाईँको आँखा वरपरको पातलो छाला जाडो महिनाहरूमा विशेष गरी कमजोर हुन्छ त्यसैले आँखाको लागि राम्रो क्रिम प्रयोग गर्नुहोस् । प्राकृतिक उपचारको लागि सुत्नुअघि ग्रिन टिको चिसो झोला आफ्नो आँखाको ढक्कनमा पाँच मिनेटसम्म राख्नुले फाइदा गर्छ ।
(प्रशिक्षार्थी)
