यी हुन् निर्वाचनमा मतपत्र बदर हुन सक्ने सात अवस्था

काठमाडाैं । भाेलि आइतबार प्रतिनिधि तथा प्रदेशसभा निर्वाचन हुँदैछ । निर्वाचनको सम्पूर्ण तयारी पूरा भएको निर्वाचन आयोगले जनाएको छ । आयोगले आम निर्वाचनका क्रममा मतपत्र बदर हुन नदिन मतदाता शिक्षामा अन्तिम समयसम्म बल गरिरहेको छ ।

निर्वाचनको पूर्वसन्ध्यामा मतपत्र बदर हुने अवस्था उल्लेख गर्दै आयोगले मतपत्र बदर हुन सक्ने सात अवस्थाकाे बारेमा जानकारी दिएकाे छ ।

मतपत्र बदर हुन सक्ने सात अवस्था

१.  दुई वटा निर्वाचन चिन्ह रहेको कोठाको बिचमा पर्ने गरी मत संकेत गरेमा

२. एकभन्दा बढी निर्वाचन चिन्हमा मत संकेत गरेमा

३.  स्वस्तिक छाप नबुझिने गरी मत संकेत गरेमा

४.  मतपत्रमा स्वस्तिक छापको सट्टा औँठा छाप वा अन्य छाप वा संकेत प्रयोग गरेमा

५. कोठा भन्दा बाहिर स्वस्तिक छाप लगाएमा

६. मतपत्र च्यातिएमा

७.  मतपत्रमा मतदान अधिकृतको हस्ताक्षर नभएमा