मेलम्ची बाढीमा बगेको भैंसीको डकुमेन्ट्रीलाई क्यानेडेली अवार्ड

काठमाडौं । सिन्धुपाल्चोकमा मेलम्चीको बाढीले बगाएको भैंसीका बारेमा बनाइएको डकुमेन्ट्री ‘गड्स बफ्यालो’ क्यानाडाको ब्यान्फ माउन्टेन फिल्म फेस्टिभलमा स्पेशल जुरी अवार्ड जित्न सफल भएको छ ।

विष्णु कल्पितले खिचेको यस डकुमेन्ट्रीले यसअघि नै ‘किम्फ’ मा उत्कृष्ट डकुमेन्ट्री र उत्कृष्ट इसीमोड माउन्टेन फिल्म अवार्ड जितेको थियो ।

१४ मिनेट लामो यो डकुमेन्ट्री यसअघि अन्तर्राष्ट्रिय फिल्म फेस्टिभलहरू एनिमल फ्याबुला, वनअर्थ अवार्ड, कलामता मन्थली इन्टरनेसनल डकुमेन्ट्री फेस्टिभलुमा छनोटमा परेको थियो ।

निर्देशक कल्पितले मेलम्चीमा रिपोर्टिङमा जाँदा उक्त डकुमेन्ट्रीका लागि दृश्य खिचेका थिए ।