काठमाडौं । नेपाल र युएईबीचकाे एकदिवसिय सिरिज आजबाट सुरु हुँदैछ ।
कीर्तिपुरस्थित टियु क्रिकेट मैदानमा आज हुने सिरिजकाे पहिलाे खेलमा घरेलु टाेली नेपाल युएईलाई स्तब्ध बनाउँदै सिरिजमा १-० अग्रता लिन चाहन्छ ।
तीन खेलको सिरिज खेल्न नेपाल आइपुगेकाे पाहुना टाेली युएई नेपाललाई उसैकाे मैदानमा राेक्न चाहन्छ । खेल बिहान ९ बजे सुरु हुनेछ ।
नेपाल र यूएई अन्तर्राष्ट्रिय क्रिकेटमा चिरपरिचित टाेली हुन् । टी२०आई र एकदिवसियमा आमनेसामने भइसकेका यी दुईबीचकाे खेल राेमान्चक हुने अनुमान गरिएकाे छ ।
नेपाल र यूएईबीच हालसम्म एकदिवसीय अन्तर्राष्ट्रियमा ६ खेल भइसकेका छ । ६मध्ये नेपाल २ खेलमा विजयी हुँदा यूएईले चार खेल आफ्नो पक्षमा पारेको छ ।
नेपालले २०१९ मा यूएईविरुद्ध नै पहिलो एकदिवसीय सिरिज जितेको थियो । तीन खेलको उक्त सिरिज नेपालले २-१ ले जितेको थियो ।
नेपाल भ्रमणमा रहेको युएई र नेपालबीचको दोस्रो खेल बुधबार हुनेछ । सिरिजकाे तेस्रो तथा अन्तिम खेल शनिबार खेल्ने तालिका रहेकाे छ ।
