तस्बिरमा हेर्नुस् ‘ओटाकु फेस्टिबल २०७९’

इटहरी । दोस्रो संस्करणको ‘ओटाकु फेस्टिबल’ इटहरीमा सम्पन्न भएको छ ।

फेसन माेड र सेफुङ कलेक्सनको आयोजना, कमिकोस क्याफेको विशेष सहयोग र अन्य पाँच संस्थाको प्रायोजन रहेको कार्यक्रम इटहरी–६ मा रहेको किरात राई यायोख्खाको तायारिप्ची बहुउद्देश्यीय भवनमा आयोजना गरिएको थियो ।

जापानिज एनिमेका पात्रहरुको पहिरन लगाएर फेस्टिबलमा उपस्थित भएका सहभागीहरु कस्प्ले, फोटोसुट, एनिमे हाजिरीजवाफ, सांगीतिक प्रस्तुती लगायत गतिविधिहरुमा सहभागी भएका थिए ।

एनिमेलाई सामान्य भाषामा जापानबाट उत्पन्न भएको हातले कोरिएका वा कम्प्युटरद्वारा निर्मित एनिमेसन भन्ने बुझिन्छ । यस्ता एनिमेसनले कुनै निश्चित पात्रहरु मार्फत कथा भन्ने गर्छ । चित्रसहितको पुस्तक, फोटोसहितको भिडियो र एनिमेटेड भिडियो एनिमे विश्वभरी निकै चर्चित छ । ड्रागन बल, नारुटो, वान पिस, डेथनोट, पोकिमोन विश्वचर्चित एनिमेहरु हुन् ।

कार्यक्रम भव्य भएको जानकारी दिँदै आयोजक एवम् फेसन मोडका सञ्चालक दिपेन लिम्बूले साथ दिने सबै सहभागी र प्रायोजकलाई धन्यवाद दिए ।

यस्तै, कार्यक्रमका सह–आयोजक सेफुङ कलेक्सनका सञ्चालकद्वय सेसेमा लिम्बू र नुमा राईले उपस्थित हुने सबैलाई धन्यवाद ज्ञापन गर्दै अर्काे संस्करण अझै भव्य बनाउने वाचा गरे ।

फेस्टिबलमा सबै उमेर समूहको सहभागी भएता पनि किशोरकिशोरीको संख्या उल्लेखनीय थियो ।

प्रदेश नं १ का झापा, मोरङ, सुनसरी जिल्ला साथै काठमाडौं र अन्य जिल्लाका पाँच सय बढी मानिस फेस्टिबलमा सहभागी भएका थिए ।

तस्बिरहरू