गगन नुनिया
विराटनगर । भारतीय स्टार क्रिकेटर विराट कोहलीले एसिया कप २०२२ मा अफगानिस्तानविरुद्ध एक सय २२ रन बनाएर आफनो जीवनको ७१औं सतक बनाए । लामाे पर्खाइपछि बनेकाे उक्त शतकपछि काेहली हाल निकै फर्ममा छन् ।
उनै काेहलीको आज ३४औं जन्मदिन हो । उनको जन्म सन् १९८८ को नोभेम्बर ५ मा नयाँ दिल्लीको पञ्जाबी परिवारमा भएको हो । उनका बुवा प्रेम कोहली वकिल थिए भने आमा सरोज कोहली गृहणी थिइन् ।कोहली २००६ को डिसेम्बरमा कर्नाटकविरुद्ध खेल्थे । १६ डिसेम्बरमा दिन उनका बुवाको हृदयाघातबाट निधन हुँदा उनी क्रिकेट खेलिरहेका थिए । त्यस म्याचमा ९० रन बनाएर आउट भएपछि बुवाको कर्म गर्न गएका थिए ।
कोहली आफ्नो डेब्युका क्रममा शतक बनाउने पहिलो भारतीय खेलाडी बन्नुका साथै क्रिकेट लगायत भारतमा फुटबलको विकासका निमित्त सन् २०१४ मा इण्डियन सुपर लिगको को–अनर भएका थिए ।
उनी टेन्निस्, जिम्स्, बच्चाको बौद्धिक विकासका लागि लगानी जोडिँदै आएका छन् । कोहलीले जनचेतनाका लागि समाजिक सञ्जालमा सक्रिय हुन्छन् भने कतिपय फिल्ममा अतिथि भूमिकामा अभिनय पनि गरेका छन् ।
भारतीय राष्ट्रिय क्रिकेट टिमका र रोयल च्यालेन्जरका बैँगलोरका पूर्वकप्तान कोहलीले २४ हजारभन्दा बढी रन बनाएका छन् ।
कोहलीकाे विशेष दिनमा भारती क्रिकेटर, सञ्चार माध्यम, क्रिकेटका प्रशंसक, उनका फ्यानहरुले रमाइला खाले फोटो सहित जन्म दिनको शुभकामना दिएका छन् ।
कोहलीले भने मेलबर्नमा आफ्ना प्रशंसकमाझ जन्म दिन मनाएका छन् । टी२० विश्वकप २०२२ मा आइतबार जिम्बावेविरुद्ध भारतको खेल छ । ३४ वर्षीय कोहलीले यस सिरिजको चार म्याचमा २२० रन बनाएका छन् । उनी जारी विश्वकपमा सर्वाधिक धेरै रन बनाउने खेलाडी समेत हुन् ।
दमदार ब्याटसम्यान, क्रिकेटप्रति लगाव र परिपक्कता जस्ता गुणले उनी आजको दिनमा फोर्ब्सका अनुसार विश्वका ६६औँ धनी खेलाडी हुन् ।
भारतको प्रतिष्ठित पद्मश्री पुरस्कारबाट सन् २०१७ मा सम्मानित भएका कोहली विभिन्न राष्ट्रिय तथा अन्तर्राष्ट्रिय पुरस्कारबाट सम्मानित भइसकेका छन् । भारतीय प्रसिद्ध अभिनेत्री अनुष्का शर्मासँग प्रेम विवाह गरेका विराट दम्पतीको एक छोरी छन् ।
–प्रशिक्षार्थी (एजेन्सीहरुको सहयोगमा)
