पाकिस्तानका पूर्वप्रधानमन्त्री इमरान खानमाथि गोली प्रहार

काठमाडौं । पाकिस्तानका पूर्वप्रधानमन्त्री इमरान खानमाथि गोली प्रहार भएको छ । पाकिस्तानको गुजरान्वालाको हल्लाहवाला चोकमा पूर्वप्रधानमन्त्री तथा पीटीआईका अध्यक्ष खानमाथि गोली प्रहार भएको बीबीसीले जनाएको छ।

खानको खुट्टामा गोली लागेको जनाइएको छ । उनलाई उपचारका लागि लाहोर लगिएको छ ।

पीटीआईका नेता यास्मीन राशिदका अनुसार घटनामा खान घाइते भएका छन् । हमलामा सांसद फैसल जावेद पनि घाइते भएका छन् ।

अधिकारीहरूका अनुसार तीनदेखि चारजना घाइते भएका छन् । प्रहरीले घटनास्थलबाट एक जनालाई पक्राउ गरेको छ । गोली उनले नै चलाएको हो या कसले भन्नेबारे पुष्टि नभएको प्रहरीले जनाएको छ ।