वित्तीय संकट समाधान गर्न उद्योगी व्यवसायीद्वारा गभर्नरलाई आग्रह

विराटनगर । उद्योग संगठन मोरङ, मोरङ व्यापार संघ र नेपाल उद्योग परिसंघ प्रदेश नम्बर १ का प्रतिनिधिले राष्ट्र बैंकका गर्भनर महाप्रसाद अधिकारीलगायत उच्च पदस्थ कर्मचारीहरुसँग भेटघाट गरी वित्तीय संकट सम्वन्धमा प्रतिवेदन सहित सुझाव प्रस्तुत गरेको छ ।

संगठनका अध्यक्ष सुयश प्याकुरेल, संघका अध्यक्ष नवीन रिजाल, परिसंघका अध्यक्ष भीम घिमिरेलगायत पदाधिकारी र कार्यसमिति सदस्यहरु सम्मिलित प्रतिनिधि मण्डलले अहिलेको समस्याले उद्योगहरुमा गम्भीर संकट आएकाले तत्काल समाधान खोज्न आग्रह गरेको छ ।

गर्भनर अधिकारीले उद्योगको समस्या प्रति नेपाल राष्ट्र वैंक गम्भीर रहेको जनाउदै सम्पूर्ण वित्तीय व्यवस्थामा सन्तुलन कायम गर्दै वर्तमान समस्या क्रमशः समाधान गर्दै जाने आश्वासन दिएको उद्योगी व्यवसायीले बताएका छन् ।

तीनै संस्थाका तर्फबाट संयूक्त रुपमा तयार पारि गर्भनर समक्ष प्रस्तुत गरिएको वित्तिय तरलता अभाव तथा ब्याज बृद्धिका कारण औद्योगिक क्षेत्रमा परेको असर र समाधान गर्नुपर्ने उपायहरु सहितको प्रतिवेदन प्रस्तुत गरेका थिए ।