अस्ट्रेलिया । नेपाल राष्ट्रिय फुटबल खेलाडी सुमन अर्यालले बुधबार प्रेमिका इशा भण्डारीसँग इन्गेजमेन्ट गरेका छन् । नेपाल राष्ट्रिय फुटबल टोलीका रक्षक सुमन अघिल्लो हप्ता अस्ट्रेलिया पुगेका थिए ।
नवलपरासीका स्थायी बासिन्दा सुमन विगत केही वर्षदेखि इशासँग प्रेम सम्बन्धमा थिए । काठमाडौंकी इशा अध्ययनकाे सिलसिलामा अस्ट्रेलिया पुगेकी थिइन् ।
एन्फा एकेडेमीका उत्पादन अर्याल नेपालको यु १८, यु १९, यु २३ हुँदै राष्ट्रिय टोलीमा स्थान बनाउन सफल खेलाडी हुन् ।
अस्ट्रेलिया जानु अघिसम्म राष्ट्रिय टाेलीका नियमित सदस्य रहेका अर्यालले नेपाली जर्सिमा पछिल्लाे पटक असोज ११ गते बंगलादेशविरुद्ध मैत्रीपूर्ण खेल खेलेका थिए ।
हाल अस्ट्रेलिया पुगेका सुमन कात्तिक ३० मा दशरथ रङ्गशालामा पाकिस्तानविरुद्ध हुने मैत्रीपूर्ण खेलका लागि भने उपलब्ध हुने छैनन् ।
