बढ्यो सुनचाँदीको मूल्य

काठमाडाैं । नेपाली बजारमा सुन र चाँदीको मूल्य बढेको छ । सुनचाँदीको मूल्य म‌ंगलबार बढेको नेपाल सुन चाँदी व्यवसायी महासंघले जनाएको छ ।

महासंघका अनुसार सुनको मूल्य तोलामा एक सय र चाँदीको मूल्य तोलामा १५ रुपैयाँले बढेको हो ।

योसँगै छापावाल सुनको मूल्य ९३ हजार १००, तेजावी सुनको मूल्य ९२ हजार ६०० रुपैयाँमा कारोबार भइरहेको महासंघले जनाएको छ ।

नेपाली बजारमा आज चाँदी प्रतिताेला १२ सय १५ रुपैयाँमा किनबेच भइरहेको छ ।

सोमबार छापावाल सुनको मूल्य ९३ हजार र चाँदीको मूल्य १२ सय रुपैयाँ प्रतितोलामा कारोबार भएको थियो ।