काठमाडौं । बलात्कार आरोपमा प्रहरी हिरासतमा रहेका क्रिकेटर सन्दीप लामिछानेविरूद्ध सोमबार जिल्ला अदालत काठमाडौंमा दर्ता हुँदैछ । जिल्ला सरकारी वकिलको कार्यालयले मुद्दा दर्ता गर्ने तयारी गरेको हो ।
मुद्दा दर्ता गरेपछि मंगलबारदेखि थुनछेक बहस हुने भएको छ ।१२ वर्षसम्म कैद सजाय माग गर्दै मुद्दा दर्ताको तयारी भइरहेको जनाइएको छ ।
लामिछाने असोज २० गतेदेखि प्रहरी हिरासतमा छन् । तीन पटकसम्म म्याद थप गरी प्रहरीले अनुसन्धान गरेको थियो ।
एक नाबालिगले काठमाडौंको गौशालाको होटलमा राखेर सन्दीपले आफूलाई बलात्कार गरेको भन्दै प्रहरीमा उजुरी दिएकी थिइन् । उजुरी पर्दा सन्दीप क्यारेबियन लिग खेल्ने सिलसिलामा नेपाल बाहिर थिए ।
