-पिक्सबे
विराटनगर । भारतबाट ३० हजार मेट्रिक टन रासायनिक मल आउने भएको छ । कृषि सामग्री कम्पनी लिमिटेडले तीन साताभित्र भारतबाट युरिया मल आउने जनाएको हो ।
लिमिटेडका महाप्रबन्धक राजेन्द्र कार्कीका अनुसार नेपाल सरकार र भारत सरकारबीच भएको जीटूजी सम्झौताअनुसार आउन लागेको मल गहुँ, उखु र मकैको खेतीमा प्रयोग हुने छ ।नेपालमा मल ल्याउनका लागि भारततर्फको सरकारी राष्ट्रिय केमिकल फर्टिलाइजर कम्पनीले जिम्मेवारी पाएको छ । यो कम्पनीले अबको १ महिना भित्रमा भारतबाट नेपालको बोर्डरदेखि २५ किलोमिटर भित्रसम्म रहेका गोदामसम्म मल ल्याउने छ ।
कार्कीले विश्व बजारको तुलनामा भारतबाट आउन लागेको मलको मूल्य नै केही सस्तो रहेको जानकारी दिए ।
भारतबाट आउन लागेको मल प्रति मेट्रिक टन ७ सय ४२ अमेरिकी डलर खरिद मूल्य पर्छ । यो विश्व बजारको तुलनामा सस्तो रहेको लिमिटेडले जनाएको छ ।
