विराटनगर । काँग्रेसका सभापति एवं प्रधानमन्त्री शेरबहादुर देउवाले गिरिजाप्रसाद ‘कोइरालाले जस्तै आफूले पनि हँसिया हथौडामा भोट हालिसकेको’ बताएका छन् ।
विराटनगरमा शनिबार आयोजित सत्ता गठबन्धनको भेलामा बोल्दै देउवाले यस्तो बताएका हुन् । शान्ति सम्झौता गर्दाका बेला गिरिजाप्रसाद कोइरालाले ‘भोट हालिसकेको’ भन्दै उनले आफूले पनि हँसिया हथौडामा भोट हालिसकेको बताए ।
लोकतन्त्र र गणतन्त्रलाई स्थायी गराउन गठबन्धनलाई भोट दिन कार्यकर्तालाई उनले आग्रह गरे ।
ओलीले पनि गठबन्धन गरेकोले आफूहरूले गरेको गठबन्धन संविधान र लोकतन्त्रको पक्षमा रहेकोमा उनले जोड दिए ।
आफ्नो पार्टीका उम्मेदवार भएका स्थानमा रुखलाई र तालमेल गरिएका क्षेत्रमा गठबन्धन दलको चुनाव चिह्नमा भोट दिन उनले आग्रह गरेका थिए ।
