विराटनगर । मोरङको पथरीशनिश्चरे नगरपालिका–२ को सुनझोडा पुलमा शुक्रबार राति मोटरसाइकल दुर्घटना हुँदा चालकको मृत्यु भएको छ ।
को ३७ प ३२५५ नम्बरको मोटरसाइकल आफैँ अनियन्त्रित भएर दुर्घटना हुँदा चालक झापाको बिर्तामोड नगरपालिका–४ का ४५ वर्षीय हरिकुमार बास्कोटाको मृत्यु भएको मोरङ ट्राफिक प्रमुख प्रहरी निरीक्षक राजकुमार कार्कीले जानकारी दिए । उनका अनुसार दुर्घटनामा परेर गम्भीर घाइते भएका बास्कोटाको मोरङ उर्लाबारीस्थित मंगलबारेको मदन भण्डारी तथा ट्रमा सेन्टरमा उपचारका क्रममा राति ८ः४० बजेतिर मृत्यु भएको हो ।
दुर्घटनामा मोटरसाइकलको पछाडि सवार मोरङको कानेपोखरी गाउँपाालिका–२ का ५२ वर्षीय छत्र निरौला घाइते भएका छन् । निरौलाको विराटनगरस्थित नोबेल शिक्षण अस्पतालमा उपचार भइरहेको छ ।
