वर्गीकरणको निर्णयपछि जग्गा कारोबार ठप्प

विराटनगर । देशभर जग्गा कारोबार ठप्पजस्तै भएको छ । सरकारले जग्गाको वर्गीकरण गर्ने निर्णय गरेसँगै जग्गा कारोबार प्रभावित बनेको हो ।

भूमि व्यवस्थापन विभागका अनुसार तीन महिनाको अवधिमा नयाँ कारोबारमा करिब ९० प्रतिशतले कमी आएको छ ।

जग्गाको कारोबार घटेसँगै घरजग्गाको मूल्यमा पनि गिरावट आएको छ। विभागका अनुसार २०७८ को साउन, भदौ र असोजको तुलनामा २०७९ साल साउन, भदौ र असोजमा नयाँ कित्ताकाटमा ८७ दशमलव २४ प्रतिशतले कटौती आएको छ ।

२०७८ साउन, भदौ र असोजमा नयाँ कित्ताकाट ४ लाख ४१ हजार ७ सय ७० कायम गरिएको थियो । २०७९ साउन, भदौ र असोजमा देशभर नयाँ कित्ताकाट ५६ हजार ३ सय ६० मात्र कायम गरिएको छ ।

यो २०७८ साउन, भदौ र असोजको तुलनामा २०७९ साउन, भदौ र असोजमा ३ लाख ८५ हजार ४ सय १० ले कमी हो।