विराटनगर । प्रदेश १ को सोलुखुम्बुमा विश्वकै लामो दूरीको म्याराथन दौड कात्तिकको पहिलो साता सुरु हुने भएको छ ।
सोलुखुम्बुको सोलुदुधकुण्ड– ८ धापदेखि सगरमाथा आधारशिविरसम्म पुगेर पुनः धापसम्म नै आइपुग्दा टुंगिने म्याराथन ३ सय १० किलोमिटर दूरीको हुनेछ ।
कात्तिक ६ बाट हुने दौडमा विभिन्न देशका ४० जना अन्तर्राष्ट्रिय धावक र २ दर्जन नेपाली धावक सहभागी हुने जनाइएको छ ।
धावक दा छिरि शेर्पाको अगुवाइ र द स्मल वर्ल्डको संयोजनमा हुने प्रतियोगिता लगातार १५ दिनसम्म सञ्चालन हुनेछ ।
खेल पर्यटन प्रवर्द्धनका लागि म्याराथन दौड आयोजना गर्न लारिएको आयोजक संस्थाका अध्यक्ष कर्मा शेर्पाले बताएका छन् ।
सर्वोच्च शिखर सगरमाथा क्षेत्रका विभिन्न पर्यटकीय क्षेत्रमा अन्तर्राष्ट्रिय धावकहरूलाई दौडाउँदा नेपालको पर्यटन प्रवर्द्धन हुने आयोजकको अपेक्षा छ ।
