प्रहरीलाई थप आधुनिक, व्यवसायिक, स्राेत-साधनले सम्पन्न बनाउन सरकार प्रतिबद्ध छः प्रधानमन्त्री देउवा

काठमाडौं । प्रहरीका सबै संगठनलाई प्रविधिमैत्री बनाउदै लैजान प्रधानमन्त्री शेरबहादुर देउवाले निर्देशन दिएका छन् ।

सोमवार ६७औं प्रहरी दिवसको अवसरमा प्रहरी प्रधान कार्यालयमा भएको कार्यक्रमलाई सम्बोधन गर्दै उनले यस्तो बताएका हुन् ।

सूचना प्रविधिलाई समायानुकुल परिवर्तन गरी अघि बढ्नसके मात्रै अपेक्षित परिणाम हासिल गर्न सकिने प्रधानमन्त्री देउवाले बताएका छन् ।

नेपाल प्रहरीलाई आगामी दिनमा थप आधुनिक, व्यवसायिक, श्रोत, साधनले सम्पन्न बनाउन सरकार प्रतिबद्ध रहेको पनि उनले बताए ।

नेपाल प्रहरीभित्र सबै कर्मचारीको वृत्ति विकासलाई समयानुकुल सुधार गर्दै जानुपर्ने आवश्यक्ता रहेको प्रधानमन्त्री देउवाले उल्लेख गरेका छन् ।

प्रहरी प्रशासनले हरेक समय नेपाली नागरिकको सुरक्षालाई प्राथमिकतामा राखेर काम गरेको भन्दै उनले प्रहरी प्रशासनलाई धन्यवाद व्यक्त गरेका छन् ।