विराटनगर । नेपाल उद्योग वाणिज्य महासंघका केन्द्रीय सदस्य अविनाश बोहरा ‘प्रोफेसनल डक्टरियल (पीडी) इन ग्लोबल लिडरसिप एन्ड म्यानेजमेन्ट’ को उपाधिबाट सम्मानित भएका छन् ।
महासंघको प्रदेश १ समितिका सल्लाहकारसमेत रहेका बोहरालाई ‘युरोपियन युनिभर्सिटी टु अनर्ड टाइटल’ अन्तर्गत सम्मानित गरिएको हो ।
विभिन्न उद्योगहरु सञ्चालन गरेका बोहरा मोरङ व्यापार संघका पूर्वअध्यक्ष पनि हुन् । उनी औद्योगिक क्षेत्रका साथै सामाजिक काममा पनि सक्रिय छन् ।
सिंगापुरमा आयोजित कार्यक्रममा उनीसहित विभिन्न मुलुकका व्यक्तित्वहरुलाई सम्मान गरिएको हो ।
सम्मान कार्यक्रममा सिंगापुरसहित विभिन्न मुलुकका आफ्नो क्षेत्रमा ख्यातिप्राप्त व्यक्तिहरुको सहभागिता थियो ।
सम्मानित भएपछि बोहराले खुसी व्यक्त गरेका छन् । प्रशंसा पाउँछु भनेर आशा नगरी निरन्तर कडा परिश्रम गर्नुपर्नेमा आफूले विश्वास गर्ने उनको भनाइ छ ।
कडा परिश्रमकै कारण महत्वपूर्ण सम्मान प्रदान गरिएकामा उनले आयोजक संस्थाप्रति कृतज्ञता व्यक्त गरेका छन् ।
यसैबीच, महासंघको प्रदेश १ समितिले बोहरा सम्मानित भएकामा बधाई एवं शुभकामना व्यक्त गरेको छ ।
