चार वर्षपछि हुन लागेको प्रतियोगिता गण्डकीमा भने २०४० सालपछि हुन लागेको हो । ३९ वर्षपछि गण्डकीमा फर्किएको राष्ट्रिय खेलकुद प्रतियोगिताका अधिकांश खेलहरु पोखरा रंगशालामा हुँदैछ । गण्डकी प्रदेशका अन्य विभिन्न जिल्लामा समेत केही खेलका प्रतिस्पर्धा हुँदा अधिकांश खेल भने पोखरा रंगशाला हातामा नै हुँदैछन् ।
यो पटक राष्ट्रिय खेलकुदमा विभागीय तीन टिम (पुलिस, एपीएफ र आर्मी)सहित सात प्रदेशका सात टिम र एनआरएनए गरी ११ टिमका खेलाडीले विभिन्न ३६ खेलका ४ सय ४ इभेन्टमा प्रतिस्पर्धा गर्दैछन् ।अधिकांश खेलाडी तथा खेलसम्बद्ध पदाधिकारीहरु गण्डकी प्रदेश आइसकेको सदस्य सिचव टंकलाल घिसिङले जानकारी दिए । उनले भने, ‘राष्ट्रिय खेलकुदको यो उत्सवको उद्घाटनअघि सबै तयारी पूरा भएको छ । यो समयमा हामीलाई मौसमले केही प्रतिकूल अवस्था सिर्जना गरे पनि खेलाडीका लागि सर्वाधिक अर्थपूर्ण प्रतयोगिताको तयारी पूरा भएको छ ।’
घिसिङले आफू नियुक्त भएको छोटो समयमा नै महत्वपूर्ण प्रतियोगिता सम्पन्न गर्न लागेको भन्दै सबै पक्षको सहयोगमा सफलता हात पार्न लागेको बताए ।घिसिङले यो प्रतियोगिताले केही खेलाडीहरुको उदय हुनसके त्यो सफलता हुने बताए । उनले भने, ‘खेलाडीका लागि महत्वपूर्ण प्रतियोगिता हो । यहाँ कुन पधाधिकारीले के भन्छ या गर्छ भन्ने कुराले अर्थ राख्दैन । शिर्ष १०, ५० र १०० खेलाडीहरु को–को हुन्छन् भन्ने कुरा महत्वपूर्ण हो ।’
शुक्रबार उद्घाटन हुने प्रतियोगिताका लागि उपराष्ट्रपति नन्दबहादुर पुन बिहीबार पोखरा आइसकेका छन् । राष्ट्रपति विद्यादेवी भण्डारीले भने स्वस्थ्यको कारण देखाउँदै उपस्थित हुन नसक्ने सन्देश पठाएकी छन् ।
Like us on Facebook
Follow us on Instagram
Subscribe YouTube Channel
Follow us on Tiktok