विराटनगर । प्रदेश १ का मुख्यमन्त्री राजेन्द्रकुमार राईले प्रदेशसभा सदस्यका लागि गृहजिल्ला भोजपुरको प्रदेश निर्वाचन क्षेत्र ‘क’ बाट उम्मेदवारी दर्ता गराएका छन् ।

सत्तारुढ गठबन्धन दलका तर्फबाट उनले उम्मेदवारी दर्ता गराएका हुन् । नेपाल कम्युनिष्ट पार्टी (एकीकृत समाजवादी) का राई उक्त पार्टीको सचिव हुन् ।

भोजपुर जिल्लामा गठबन्धन दलका तर्फबाट प्रतिनिधि सभा सदस्यका लागि नेकपा माओवादी केन्द्रका सुदन किराँतीले उम्मेदवारी दर्ता गरेका छन् ।

अर्को क्षेत्रबाट प्रदेशसभा सदस्यका लागि नेपाली कांग्रेसका विनोद वान्तवा राईले उम्मेदवारी दर्ता गरेका छन् ।

उम्मेदवारी दर्ता गर्ने क्रममा मुख्यमन्त्री राईले फेरि पनि अराजकता, फेरि पनि प्रतिगमनको बाटो समाएका संघीय लोकतन्त्र र गणतन्त्रविरोधीलाई परास्त गरी प्रतिगमनविरुद्ध बनेको गठबन्धनलाई नेपाली जनताले मंसिर ४ गते अनुमोदन गर्ने विश्वास व्यक्त गरे ।
595
Shares
२३ आश्विन २०७९, आईतवार १७:५०