अन्तिम समयमा जीवन घिमिरेले टिकट पाए, मोरङ ४ (ख) बाट उम्मेदवारी दिंदै

विराटनगर । नेकपा (एमाले) नेता जीवन घिमिरेले प्रदेशसभा सदस्यका लागि टिकट पाएका छन् । उनले मोरङ क्षेत्र नम्बर ४ (ख) बाट निर्वाचनमा प्रतिस्पर्धा गर्ने भएका छन् ।

यसअघि एमाले र जसपाबीच तालमेलका क्रममा उक्त क्षेत्र जसपाको भागमा परेको थियो । त्यस क्षेत्रमा जसपाले नेता सञ्जय सिंहलाई टिकट दिएको थियो ।

पार्टीले आइतबार दिउँसो टिकट दिएपछि घिमिरेले उम्मेदवारी मनोनयनपत्र दर्ता गर्ने तयारी गरेका छन् ।

उक्त क्षेत्रमा कांग्रेसबाट विराटनगर महानगरपालिकाका पूर्वमेयर भीम पराजुलीले टिकट पाएका छन् ।