बालबालिका हेरचाह केन्द्रमा अन्धाधुन्ध गोलीः ३४ को मृत्यु

काठमाडौं । थाइल्याण्डको उत्तरपूर्वी प्रान्तमा रहेको बालबालिकाको दिवा हेरचाह केन्द्रमा बिहीबार भएको गोलीकाण्डमा कम्तीमा ३४ जनाको मृत्यु भएको छ ।

गोलीकाण्डमा परी कम्तीमा ३४ जनाको मृत्यु र १२ जना घाइते भएको बीबीसीले उल्लेख गरेको छ ।

दुर्घटनाका पीडितहरूमा बालबालिका र वयस्क दुवै रहेको प्रहरीले जनाएको छ । बन्दुकधारी एक पूर्वपुलिस अधिकारी रहेको र उनको खोजी भइरहेको जनाइएको छ ।

त्यहाँका प्रधानमन्त्रीले सबै निकायलाई कारबाही गर्न र दोषीलाई पक्राउ गर्न सचेत गराएको सरकारी प्रवक्ताले बताएका छन् ।

थाइल्यान्डमा सामूहिक गोलीबारीका घटना यदाकदा हुने गरेका छन् । सन् २०२० मा एक क्रुद्ध सिपाहीले गोली चलाउँदा कम्तीमा २९ जनाको मृत्यु भएको थियो ।