काठमाडौं । सेयर बजार लगातार तेस्रो दिन पनि बढेको छ। सेयर बजार परिसूचक नेप्से आज बिहीबार १६ दशमलव २९ अंकले बढेर १८५३.७६ विन्दुमा पुगेको छ।
जीवन बीमाबाहेक सबै समूहको सेयर बढेकोमा इक्रोफाइनान्स र उत्पादन समूहको सेयर भने उच्च अंकले वृद्धि भएको छ। कारोबार रकम पनि बुधबारको तुलनामा सामान्य बढेको छ।
बुधबार ४८ करोड रुपैयाँको कारोबार भएकोमा बिहीबार दुई सय २३ वटा कम्पनीका १७ लाख ९१ हजार कित्ता सेयर ६३ करोड २४ लाख रुपैयाँमा कारोबार भएको छ।सबैभन्दा धेरै नेपाल इन्स्युरेन्स कर्पोरेसनको प्रमोटर सेयर चार करोड ४८ लाख रुपैयाँमा किनबेच भयो ।
अभियान लघुवित्तको सेयर १० प्रतिशत तथा गुराँस लघुवित्त, समिट लघुवित्त, जनउत्थान सामुदायिक लघुवित्त र एनआईबीएल ब्यालेन्स फन्डको सेयर पाँच प्रतिशतभन्दा धेरैले बढेको छ।
साम्लिङ पावर कम्पनीको सेयर भने झन्डै आठ प्रतिशतले घटेको छ।
