प्रतीकात्मक तस्बिर।
विराटनगर । सुनसरीका छुट्टाछुट्टै स्थानमा बुधबार बिहान चट्याङ पर्दा दुईजनाको मृत्यु भएको छ।
देवानगञ्ज गाउँपालिका १ मा परेको चट्याङ लागेर स्थानीय ४५ वर्षीया रितादेवी यादवको मृत्यु भएको प्रहरीले जनाएको छ।
भैंसीलाई पानी खुवाइरहेका बेला उनलाई चट्याङ लागेको सुनसरी प्रहरीका प्रवक्ता डीएसपी राजकुमार राईले बताए।
देवानगञ्ज गाउँपालिका ६ मा परेको चट्याङ लागेर स्थानीय ६० वर्षीय उदिपचन्द्र यादवको मृत्यु भएको छ।
खेतमा घाँस काटिरहेका बेला परेको चट्याङ लाग्दा उनको घटनास्थलमै मृत्यु भएको प्रहरीले जनाएको छ।
