देउवाले टिकट वितरणमा भेदभाव गरेको भन्दै कोइराला समूह असन्तुष्ट

काठमाडौं । आगामी निर्वाचनका लागि उम्मेदवारीको टिकट वितरणमा पार्टीमा एकलौटी गर्ने प्रयास भइरहेको भन्दै कांग्रेस नेता नेता शेखर कोइराला पक्ष असन्तुष्ट देखिएको छ ।

टिक वितरणमा भेदभाव र एकलौटी नगर्न भन्दै पार्टीमा दबाव दिन थालेको छ । कोइराला पक्षका नेता कार्यकर्ताले अलग्गै वैठकहरु गरेर यसबारे छलफल गर्न थालेका छन् ।

पार्टी सभापति शेरबहादुर देउवाले प्रतिस्पर्धी समूहलाई टिकट वितरणमा सम्मानजनक व्यवहार नगरे प्रतिकार गर्ने तयारी समेत उनीहरुले गरेका छन् ।

समानुपातिक सूचीमा देउवाले एकलौटी गरेको कोइराला समूहका नेताहरुको आरोप छ । यसको विरोधमा शनिबार कोइराला समूहले काठमाडौंमा खबरदारीसभा आयोजना गरेको छ ।

नेता जगदीश्वरनरसिंह केसीका अनुसार समानुपातिक सूचीमा देउवाले एकलौटी गर्दै आफूहरुलाई पाखा गर्न खोजेपछि दबाव बढाइएको हो । उनले पार्टी नेतृत्व मनपरितन्त्रका आधारमा चल्न खोजेको आरोप पनि लगाए ।