इलाम । एलबी भनिने लालबहादुर गुरुङको हत्या भएको छ । उनको हत्यामा संलग्न रहेको आरोपमा प्रहरीले नौजनालाई पक्राउ गरेको छ ।
जिल्ला प्रहरी कार्यालयले इलामले शुक्रबार पत्रकार सम्मेलन गरी यसबारे जानकारी दिएको हो ।
हत्यामा संलग्न रहेको आरोप लगाइएका नौजनालाई प्रहरीले पत्रकार सम्मेलनका क्रममा सार्वजनिक गरेको थियो ।
प्रहरी उपरीक्षक दिलिप घिमिरे नेतृत्वको टोलीले उनीहरुलाई पक्राउ गरेको हो । इलामको चुलाचुली गाउँपालिका पुकुवामा बेलडाँगी शिविर बस्ने एलबी हालैमात्र जेलबाट छुटेर आएका थिए ।
स्थानीयलाई अत्यन्तै दुःख दिने गरेको आरोप उनीमाथि थियो ।
एक स्थानीयलाई कुटपिट गरेर उनको साथमा भएको दुई हजार रुपैयाँ खोसेर उनी गाउँबाट बेपत्ता भएका थिए ।
पीडितका दाजु र गाउँलेहरुले झापा र इलामको सीमानजिक पर्ने रतुवाखोलाको पुलमा गुरुङमाथि खुकुरी, ढुंगा प्रहार गरेका थिए। गुरुङको खुट्टा र हातमा गहिरो चोट लागेको थियो।
