विराटनगर । विराटनगर महानगरपालिका निर्माणाधीन घरबाट खसेर घाइते भएका मजदुरको मृत्यु भएको छ ।
मृत्यु हुनेमा जहदा गाउँपालिका–४ का ४० वर्षीय अशोक पञ्जियार रहेको मोरङ प्रहरी प्रवक्ता प्रहरी नायब उपरीक्षक दीपक श्रेष्ठले जानकारी दिए ।
उनका अनुसार सोमबार विराटनगर–७ का मुकेश पोठारीको निर्माणाधीन घरको दुई तलामाथिबाट खसेर उनी घाइते भएका थिए ।
काठको काम गर्ने क्रममा गत घरबाट खसेर घाइते भएका उनको बुधबार बिहान ११ बजे मृत्यु भएको डिएसपी श्रेष्ठले जनाए ।
श्रेष्ठका अनुसार विराटनगरको विराट नर्सिङ होम एवम् विराटनगर अस्पतालमा उपचारको क्रममा उनको मृत्यु भएको हो ।
उनको शव कोसी अस्पतालमा पोस्टमार्टम गरेर अन्त्येष्टिका लागि परिवारलाई जिम्मा लगाइएको छ प्रहरीले जनाएको छ ।
घटनाको अनुसन्धान भइरहेको डिएसपी श्रेष्ठले जानकारी दिए ।
