प्रतीकात्मक तस्बिर ।
विराटनगर । झापा र धनकुटामा भएका सवारी दुर्घटनामा मंगलबार तीनजनाको मृत्यु भएको छ । झापामा भएको दुर्घटनामा चारजना घाइते भएका छन् ।
झापाको शिवसताक्षी नगरपालिका १० सैनिक चोकमा बा १४ च ९१०८ नम्बर कार अनियन्त्रित भएर सडकछेउ बरको रुखमा ठोक्किंदा दुईजनाको मृत्यु भएको प्रहरीले जनाएको छ ।
उक्त घटनामा कार चालक सप्तरीको लेगडा ५ का ४४ वर्षीय बलराम यादव र कारमा सवार सुनसरीको इटहरी १० की ३० वर्षीया गीता चौधरीको उपचारका क्रममा मृत्यु भएको प्रहरीले जनाएको छ ।
दुर्घटनामा मोरङको सुन्दर हरैंचा ६ की ४० वर्षीया रिता चौधरी, सुनसरी, इटहरी ८ का २७ वर्षीय तेजन चौधरी, धरान १५ का ३६ वर्षीय बिविसन दास र धरानकै ३३ वर्षीय राजेश चौधरी घाइते भएका छन् ।
उता, धनकुटाको महालक्ष्मी नगरपालिका ५ लेगुवापुलमा प्र–३–०२–०१२ प १२२ नम्बर मोटरसाइकल अनियन्त्रित भइ दुर्घटना हुँदा चालक स्थानीय २१ वर्षीय दिल्लिराम खातीको मृत्यु भएको छ ।
