विराटनगर । आर्थिक वर्ष २०७९/८० को पहिलो महिना साउनमा वार्षिक बिन्दुगत उपभोक्ता मुद्रास्फीति ८.२६ प्रतिशत देखिएको छ । नेपाल राष्ट्र बैंकका अनुसार अघिल्लो वर्षको यही अवधिमा मुद्रास्फीति ४.३५ प्रतिशत थियो।

साउनमा खाद्य तथा पेय पदार्थ समूहको मुद्रास्फीति ७।११ प्रतिशत र गैर–खाद्य तथा सेवा समूहको मुद्रास्फीति ९.१८ प्रतिशत रहेको जनाइएको छ।

गत वर्षको साउन महिनाको तुलनामा २०७९ साउनमा खाद्य तथा पेय पदार्थ समूहअन्तर्गत घ्यू तथा तेल, फलफूल, रेष्टुरेण्ट तथा होटल, मदिराजन्य पेय पदार्थ र दुग्ध पदार्थ तथा अण्डा उपसमूहको मूल्यवृद्धि क्रमशः १९.५८ प्रतिशत, १८.७९ प्रतिशत, ११.८४ प्रतिशत, १०.२४ प्रतिशत र १०।१९ प्रतिशत छ।

गैर–खाद्य तथा सेवा समूहअन्तर्गत यातायात, स्वास्थ्य, फर्निसिङ्ग तथा घरायसी उपकरणहरु, शिक्षा र घरायसी उपयोगका वस्तुहरु उपसमूहको मुद्रास्फिति क्रमशः २३।८८ प्रतिशत, १०।५४ प्रतिशत, ९।०४ प्रतिशत, ८।११ प्रतिशत र ७।८६ प्रतिशत रहेको छ।

गत साउन महिनामा काठमाडौँ उपत्यकामा ७।३९ प्रतिशत, तराईमा ८.७२ प्रतिशत, पहाडमा ८.६४ प्रतिशत र हिमालमा ६।६४ प्रतिशत मुद्रास्फिति रहेको राष्ट्र बैंकले जनाएको छ।

२०७८ साउन महिनामा उल्लेखित क्षेत्रहरुमा क्रमशः ३।७० प्रतिशत, ४.११ प्रतिशत, ५.६३ प्रतिशत र ३।५८ प्रतिशत मुद्रास्फीति रहेको थियो।

3
Shares
३१ भाद्र २०७९, शुक्रबार १९:४३