विराटनगर । पञ्जाबी मूलका एक व्यक्तिले क्यानाडामा २० लाख डलरको चिठ्ठा जितेका छन्।
ब्रिटिश कोलम्बिया प्रान्तको सर्री निवासी मनदीप सिंहले उक्त चिठ्ठा जितेका हुन्। उनी पेशाले ट्रक चालक हुन्।
चिठ्ठा जितेको खबर पाउँदा उनी ट्रकमै थिए। खबर पाउनासाथ आफू काम्न थालेको प्रतिक्रिया उनले सञ्चार माध्यमहरुलाई दिएका छन्।
आफूले सबैभन्दा पहिले चिठ्ठा जितेको खबर आफ्नी पत्नी र छोराछोरीलाई बताएको क्यानेडेली सञ्चार माध्यमले उल्लेख गरेका छन् ।
खबर सुनाउँदा पत्नी छोराछोरी खुसीले एकाएक रुन थालेको पनि उनले सुनाएका छन्।
मन्दिपले वर्षौं अघिदेखि चिठ्ठा किन्दै आएका थिए। निरन्तर किन्दा पनि हालसम्म केही पुरस्कार पाएका थिएनन्। यसपटक भने उनी भाग्यमानी साबित भएका छन्।
उनले लेगलस्थित ८८औं एभेन्यूमा टाउन पेन्ट्रीबाट ब्रिटिश कोलम्बिया लटरी कर्पोरेशनको बीसी ४९ चिठ्ठा किनेका थिए।
जितेपछि उनले भनेका छन्, ‘म एक साधारण मानिस हुँ, चिठ्ठामा रकम पाउँदा आफूलाई भाग्यशाली ठानेको छु, यो रकम म आफ्नो छोरीको उच्च शिक्षाका लागि खर्च गर्नेछु।’

प्रतिक्रिया दिनुहोस्

सम्बन्धित खबरहरु