नेपाल राष्ट्र बैंकले बैंक तथा वित्तीय संस्थामा रहेको अधिक तरलता व्यवस्थापन गर्न २ खर्ब रुपैयाँ निक्षेप संकलन गर्ने तयारी गरेको छ।

बैंकिङ प्रणालीमा लगानीयोग्य रकम बढी भएपछि त्यसको व्यवस्थापन तथा ब्याजदरमा स्थायित्व कायम गर्ने उद्देश्यले राष्ट्र बैंकले निक्षेप संकलन उपकरणमार्फत रकम खिच्न लागेको हो।

निक्षेप संकलन प्रक्रियामा सहभागी बैंक तथा वित्तीय संस्थाले निर्धारित सर्तअनुसार रकम उपलब्ध गराउनेछन्। यसबाट बैंकिङ प्रणालीमा रहेको अतिरिक्त तरलता घटाउन सहयोग पुग्ने अपेक्षा गरिएको छ।

राष्ट्र बैंकले तरलताको अवस्था र वित्तीय बजारको आवश्यकताअनुसार यस्ता मौद्रिक उपकरण प्रयोग गर्दै आएको छ।

AMGTimes | जिम्मेवार पत्रकारिता, तथ्यमा आधारित प्रस्तुति।
14
Shares
५ मंसिर २०८३, शुक्रबार १३:३५